Краіна Беларусь. Вялікае Княства Літоўскае
| Краіна Беларусь. Вялікае Княства Літоўскае | |
|---|---|
| Краіна Беларусь. Вялікае Княства Літоўскае | |
| Жанр | ілюстраваная гісторыя |
| Аўтар | Уладзімір Арлоў |
| Мова арыгінала | беларуская |
| Дата першай публікацыі | 2012 |
| Выдавецтва | Kalligram |
| Колькасць старонак | 400 |
| Ілюстратар | Дзмітрый Герасімовіч |
| Афармленне | Зміцер Санько |
| Носьбіт | кніга |
| Электронная версія | |
| ISBN | 978-985-6919-82-7 |
«Краі́на Белару́сь. Вялі́кае Кня́ства Літо́ўскае. Ілюстрава́ная гісторыя» — кніга з гісторыі Беларусі і Вялікага Княства Літоўскага, выдадзеная ў 2012 годзе. Мае каля 2000 ілюстрацый. Працяг выдання Краіна Беларусь, якое пабачыла свет у 2003 годзе[1].
Змест
[правіць | правіць зыходнік]Прысвячаецца часам Вялікага Княства Літоўскага, знаёміць з жыццём і побытам, ваеннымі перамогамі і культурнымі дасягненнямі продкаў беларусаў. На аснове гістарычных фактаў даводзіцца, што назвы «Літва» і «ліцвіны» на працягу некалькіх стагоддзяў былі назвамі Беларусі і беларусаў[1].
Не абмяжоўваецца храналагічнымі межамі існавання Вялікага Княства Літоўскага: апавядае пра суіснаванне балтаў і славян, становішча беларускіх зямель у Расійскай імперыі, вызвольнае змаганне і спробы адрадзіць дзяржаву, нацыянальнае адраджэнне і лёс Віленшчыны ў ХХ стагоддзі[1].
Разглядае гісторыю Беларусі як частку агульнаеўрапейскага руху цывілізацыі[1]. Паказвае дзяржаватворчую ролю беларусаў у Вялікім Княстве Літоўскім і дае чытачу магчымасць даведацца пра гісторыю ВКЛ з беларускага пункту гледжання[2].
Дадатковыя звесткі
[правіць | правіць зыходнік]Рэцэнзенты кнігі — доктар гістарычных навук Анатоль Грыцкевіч і кандыдат гістарычных навук Уладзімір Ляхоўскі, картограф — кандыдат гістарычных навук Віктар Цемушаў.
Матэрыялы для ілюстрацый мастак Дзмітрый Герасімовіч збіраў у прыватных калекцыях Аўстрыі, Германіі, Польшчы і Літвы, у архівах і музеях Беларусі і суседніх краін[3].
У 2018 годзе з’явілася кніга «Belarus. The Epoch of the Grand Duchy of Lithuania» ў перакладзе на англійскую мову брытанскага беларусіста Джыма Дынглі[2].
Зноскі
- ↑ а б в г Сенсацыі прыходзяць з мінуўшчыны, Радыё Свабода, 11 ліпеня 2012 г.
- ↑ а б Папулярная кніга Арлова і Герасімовіча пра ВКЛ выйшла па-англійску, Радыё Свабода, 8 верасня 2018 г.
- ↑ Кніга пра Вялікае княства Літоўскае для кожнага беларуса, Радыё Свабода, 6 жніўня 2012 г.
Спасылкі
[правіць | правіць зыходнік]- Сенсацыі прыходзяць з мінуўшчыны, Радыё Свабода, 11 ліпеня 2012 г.
- «Краіна Беларусь. Вялікае Княства Літоўскае» ў Магілёве, Радыё Свабода, 13 лістапада 2012 г.